أحياء / 1 Biology - وصف المساق (2)

" القسم الثاني من منشور التعريف بمادة البيو ( الأحياء ) "
---------------------------------------
بشكل تفصيلي المادة مشتركة مع كل الجامعات الأردنية تقريبا ، ممكن اختلاف بسيط بتسمية أو بترتيب بعض المحتويات ،
بسبب اختلاف نسخ الكتاب المعتمد ، لهيك سهل الواحد يجد شروحات من أكثر من جامعة و يختار اللي بناسبه
------------------------------------------------------------------------------

- الكتاب المعتمد (( Campbell biology 10th edition ))
 رابط الكتاب : https://drive.google.com/file/d/0BxFFJvxmGamvWWNGMW1wWjBKd1k/view
****

ثانيا / شرح المادة :
1) من طلبة الطب في الجامعة الهاشمية : 
- الرابط : يوتيوب / الجامعة الهاشمية / شرح البيولوجي
الشروحات فيها مادة بيو 101 شرح ممتاز جدا جدا شرحهم بترتيب النسخة العاشرة من الكتاب
مثلا ما فهمت محاضرة عند موضوع معين مفيدات جدا ممكن تعيد حضر الفيديو و تمشي معه من الكتاب او السلايد حتى لو الشكل مختلف
****


2) شرح الطالب Huthefa Arman لشابترين مهمين جدا 16 و 10
من دفعة 2015 PharmaPhile : 

CH 10 : https://www.youtube.com/watch?v=HrzJrexUIps

CH 16 : https://www.youtube.com/watch?v=x-FYJ-TTWB0
****

ثالثا / أسئلة على المادة :
الاسئلة مجموعة في كتاب من عمل طالبتين بالجامعة الاردنية الكتاب لا يوصف..
أسئلة لكل شابتر حوالي 100 سؤال او اكثر لكل واحد شاملة للمادة تقريبا قرائته قبل الامتحان مع السلايدات كافية لعلامة عالية
رابط الكتاب : Ju test bank biology (1 
****
الكتاب متوفر بتصوير قسم العلوم الحياتيه - ومكتبة التستو في الجامعة الاردنية كملحق مع كتاب فيه شرح المادة بالعربي بشكل جدا جدا جدا رائع سعره 7 دنانير ، الكتاب بالرابط كامل بس لو كنت بدك نسخة مطبوعة لتدعم الفريق الي اشتغل عليه و كنت قريب من الجامعة أرجوا أن تحاول تشتريه الكتاب من فريق Ju-Nerd.
****

رابعا / شرح كتابي للمادة :
من لجان الدفعات بالجامعة الأردنية : 
- الرابط : الجامعة الأردنية / Dropbox / بيولوجي

بالتوفيق للي منزلين المادة :)
دمتم بود ^_^ 

**
#Pharma_Phile_2015

Continue Reading

أحياء / 1 Biology - وصف المساق (1)

السلام عليكم و رحمة الله و بركاته
*****

 البوست لطلاب السنة الاولى
**

= تعريف شامل بمادة البيو ( أحياء ) : وصف مساق ، طريقة دراسة ، مصادر مفيدة =

|________________________________________________|

◘ تقسيم الموضوع سيكون كالتالي البداية تعريف بسيط بالمادة و دراستها .

◘ بعدها للي حاب يستزيد راح أضع منشور آخر فيه تفاصيل شرح مفصل لكل شابتر و أهميته بالمواد القادمة
 + المصادر و روابط مفيدة للمادة ^_^ 

------------------------------------------------------------------------------

• أهم رابط بحتوي كل ما بيتعلق بالمادة من سلايدات و كتاب و تجميع الامور المهمة من دفعة 2015 :

PharmaPhile 2015 / OneDrive / Biology

*****

• وصف المادة بشكل مختصر و سريع من مبدارة Pharmasoul 2014 :) :

PharmaSoul Team / البيولوجي

*****

• طريقة الدراسة الأساسية و نمط الامتحان :

- الامتحان عادة كامل ضع دائرة بكون طويل شوي حوالي 44 فرع كل واحد عليه نصف علامة بالفيرست و السكند ، الفاينل بصل ل 88 فرع نفس الاسلوب ، يعني بكون في علامتين بونص بالفيرست و السكند و 4 للفاينل .

○•○•○•○

- المادة بيتم شرحها عن طريق سلايدات مأخوذة من كتاب ، الشيء الأساسي لتحصيل علامة مرتفعة بكل المواد بشكل عام المتابعة و الانتباه في المحاضرة ، الامتحان بيجي أسئلة مكررة أحيانا من أسئلة السنوات ، و غالبا بكون واضح و السلايدات تشمل 90% من المادة على أقل تقدير ، هي مادة حفظ يعني كل ما تعيد المادة أكثر كل ما تثبت أكثر ^^ .

______________________

لهون الوصف المختصر للمساق
**

بالتوفيق للي منزلين المادة :)

دمتم بود ^_^

Continue Reading

كيمياء حيوية 1 - وصف المساق

السلام عليكم

 راح اقدملكم تعريف عن مادة البيوكم1 وفي عدد كبير من الدفعة اخدها عالصيفي.
.............

سامحوني لانه راح يكون البوست شوي طويل لانه المادة اجمالا طويلة وبدها متابعة أول بأول.
.............
  ◘ الشابتر الأول ◘
بحكي عن الأحماض الأمينية( amino acids) عددهم عشرين حمض أميني وراح تدرسوا كل واحد بالتفصيل من حيث الاسم والشكل والوظيفة (مكان وجوده) ومن حيث polar or not polar وفي حمضين اخر الشابتر بسموهم (non standards) يعني اجمالا الشابتر بده حفظ ومهم كثير وبنجاب عليه اسئلة كثير ومطلوب معك بإمتحان الفيرست والفاينل.
..............
 ◘ الشابتر الثاني (buffer solution) ◘
الشابتر اغلبه محذوف والمطلوب بس سؤال واحد مهم جدا جدا وتكرر عالفيرست والفاينل .
..............
◘ الشابتر الثالث ◘
بحكي عن البروتينات الكروية (globular protein)
بشرح فيه عن( hemoglobin and myoglobin) من ناحية الشكل والوظيفة والفرق بينهم عن طريق (oxygen dissociation curve) بعدين بنتقل على الامراض اللي بتصير في الهيموغلوبين مثل الانيميا والثلاسيميا .
................
  ◘ الشابتر الرابع ◘
بحكي عن (fibrous protein) مثل (collagen and elastin) طبعا وين موجودين وصفاتهم وتركيبهم وكيف بيتصنعو ، بعدين بنتقل لامراض الكولاجين و الإلستين ومهم تفرق بيناتهم .
.................
◘ الشابتر الخامس ◘
اهم شابتر بالمادة لأنو راح يجي عليه اسئلة كثير وهو اساس البيوكم وراح يتكرر بالفيرست الفاينل كمان اول اشي راح يعطيك ست انزيمات لازم تحفظهم بعدين خصائص الانزيمات والعوامل المساعدة.
وبعدين (Michael-menten equation) مهمة جدا وتكررت كثير بعدين بنتقل للمثبطات انواعها وكيف بتشتغل وفي مثال البنسلين مهم جدا
(لهون بتكون خلصت مادة الفيرست).
................
◘ الشابتر السادس (enzyme therapy) ◘
هو اصغر شابتر بالمادة في جدول صغير احفظوه وخلصنا
◘ شابتر سبعة (mechanism of enzymes) ◘
بحكيلك كيف بترتبط اي مادة بالموقع النشط للانزيم عشان تسرع التفاعل ما بدي ادخل بالتفاصيل لمصلحتكم.
..................
◘ بعدين في ثلاث شابترات ◘
عن الدهون والفوسفولبد ومكونات غشاء الخلية وعن طرق النقل في الخلية وبصراحة انا شفتهم اسهل اشي بالمادة لأنو كلها معلومات مكررة وإذا متذكرين البيو منيح ما راح تدرسوها
(لهون بتخلص مادة السكند ).
******
  ◘ اخر شابترين ◘
ما بعرف كم صار رقمها بس بحكوا عن (biotechnology) يعني عن
(DNA structure,replication,transcription,protein synthesis)
مادة الفاينل بدها متابعة شديدة وتركيز بالمحاضرات ودراسة اول بأول واغلب الطلاب خلصوا المادة وما فهموا منها اشي وانا اولهم يعني احفظ وامشي
................
سامحوني لأني طولت عليكم وان شاء تكونوا استفدتوا .
................

 By : Sulaiman Hamawi - PharmaPhile 2015

Continue Reading

كيمياء عضوية صيدلانية 2 - وصف المساق

السلام عليكم و رحمة الله و بركاته


◘ موضوع لمادة العضوية 2 راح اقسم الموضوع على منشورين المواضيع فيه كالتالي :
• وصف لكل شابتر من المادة من ناحية موضوعها و الاسئلة اللي بتيجي عليها .
• روابط للمراجع و المواضيع اللي ممكن تحتاجها في المادة .

===========================================

◘ وصف المساق حسب الجامعة : دراسة الخصائص الفيزيائية، التسمية، طرق التحضير، طرق التشخيص بالاضافة الى تفاعلات المركبات العضوية التالية: المركبات العطرية، الكحوليات، الاليثول، الايثرات، السلفايد، الالدهيدات والكيتونات، الأحماض الكربوكسيلية ومشتقاتها والأمينات .

◘ طريقة التعامل الاساسية مع المادة :
متابعة مع الدكتور في المحاضرة و حل أسئلة الكتاب ، كل ما تحل أكثر بتكون أفضل بالمادة .
******
◘ المادة مقسمة ل 7 شابترات بشكل أساسي + شابتر حسب الدكتور و الوقت ممكن يعطيه ، و هي كالتالي :

◄ شابتر 15 ►
- الشغل بالبداية تعريف فيها و خواصها الفيزيائية ، بتبعها طرق التسمية و توضيح اختلاف الاسماء المشهورة لحلقة بالاعتماد على نوع الاضافة المرتبطة عليها ، التسمية بتشمل الحلقات بدون اضافة لحد 3 اضافات ،، بيجي بعدها تفاعلات بسيطة ، و اخر شي حالات خاصة من التسمية و الاشكال الحلقية و التفريق بينها .
******
- الاسئلة اللي عليه أغلبها تسمية لو مش كلها حتى .
................................................
◄ شابتر 16 ►
- شابتر 16 تابع ل 15 ، بيتعمق بتفاعلات المركبات الحلقية العطرية خاصة حلقة البنزين ، نوع التفاعل الرئيسي هو تبادل الكتروفيلي و عددها 6 كل واحد منها بضيف مجموعة عالحلقة بتأثر بنشاطه و بتأثر بمكان ارتباط الاضافات الثانية عليه ، و اخر شي بعطي لمحة عن تفاعلات أكسدة و اختزال للمركب .
******
- و أهم شي بهذا الشابتر هو حل أسئلة التفاعلات و كله بعتمد على بعضه لقدام ، و شي ثاني انه تعرف ترتيب نشاط البنزين لما بيرتبط باضافات معينة .
________________________
لهون مادة الفيرست
________________________

◄ شابتر 17 ►
بتكلم عن الكحولات و الفينول ، كالعادة بالبداية تسمية الكحولات و التفريق بينها و نظرة عالخواص الحمضية و القاعدية لها ، بعدها الانتقال للتفاعلات العامة مثل مركبان جرينيارد الوسطية ، و تفاعلات الحذف بوجود قاعدة قوية ، و بعدها طرق تصنيع الكحول بالتفاعلات اللي اناخذت بعضوية 1 ، بعدها في تفاعلات الاختزال لمركبات ثانية بينتج عنها الكحول اللي هو اختزال الكربونيل كيتون والالدهيد و الاحماض الكربوكسيلية ، وبعد ما نخلص من مشوار تصنيع الكحول منبدا بالتفاعلات اللي بدخل فيها الكحول لتكوين مركبات جديدة مثل الاسترات و الاحماض الكربوكسيلية و الكربونيل بعملية معاكسة لما سبق ^^ ، و اخر شي تقاعلات خاصة بين الكحول و الهالوجينات و تصنيع مواد عضوية بتفاعلات خاصة .
******
- مثل كل شابترات المادة كلها تعتمد على بعضها ، مطلوب حفظ طرق التسمية ، و تكوين المربكات دون نسيان ربطها بمواضيع المادة المختلفة .
................................................
◄ شابتر 18 ►
الايثر و الايبوكسايد اللي بشمل الثيول و السولفايد ، بشكل أوضح ممكن نقول وجود ذرة O او S بين مجموعتين عضويتين R ،، لابدا بالموضوع كالعادة الكلام أولا عن التسمية و شروطها و الحالات الخاصة بكل موضوع ، و ترتيب الاستقرار للمركبات ،، بعدها تفاعلات تحضير الايثر و الانواع الناتجة من كل طريقة تحضير ^^ ،، و في داخل فيه وصف لل Sn2 لهيك الشابتر مهم بالعضوية 1 ، بعده ببدا الكلام عن الايبوكسايد ما في كثير شغل عالتسمية فيه عبارة عن 3 او 4 مركبات شهيرة ، الاهم هون تفاعلات تحضيره ، بعدها الثيول تسميته و تحضيره ، و اخر شي تمارين و دمج بين مواضيع الشابتر بشكل عام .
................................................
◄ شابتر 19 ►
بتكلم بموضوع مركبات الكربونيل الاساسية المتمثلة بالالدهيد و الكيتون ، بكونوا مارين معنا بالشابترات اللي قبل ، و كمان راح يكون الهم دور كبير بالشابترات اللي بعد ، كالعادة بالبداية الكلام بكون عن تسمية المركبات في حال كانت هي الرئيسية او هي الاضافة ، و بعدها تفاعلات تكوينها و تفاعلات اللي تحصل لها .
- مهم جدا التفاعلات اللي فيه و هو أطول شابتر تقريبا و كالعادة لازم حل التمارين .
________________________
لهون مادة السكند
________________________
◄ شابتر 20 ►
كتملة من مربكبت الكربونيل ، شابتر 20 بتكلم عن الحموض الكربوكسيلية و مركبات النايتريت اللي بتنتج منها ، بما انه منتكلم عن أحماض ، راح يكون مهم نعرف ترتيب المربكات من ناحية الحامضية مين أقوى و مين أضعف ، فيه تفاعلات قليلة و التسمية فيه مهمة جدا .
◄ شابتر 21 ►
بتكلم عن مشتقات الحموض الكربوكسيلية ممكن فهمها و دراستها بشكل بسيط ، التفاعلات متشابهة كثيرة ، الشي المهم فيه التسمية تبعت الاستر هي أصعب تسمية .
________________________
لهون مادة الفاينل
________________________
◄شابتر 24 ►
الامينات بيتم اعطائه حسب الوقت المتبقي .

Continue Reading

تعريف عام...

السلام عليكم و رحمة الله و بركاته
.***.
.

من منطلق شعارنا " كن عوناً للناس دوماً "

(( مبادرة دفعة الصيدلة في جامعة فيلادلفيا 2015 - PharmaPhile ))

تهدف المبادرة إلى عمل مرجع سهل التعامل من قبل الطلبة للوصول إلى المواضيع المهمة في مختلف المواد في السنين الدراسية
حيث تشمل تنظيم لمواضيع تعنى ب :

◘ مواد كلية الصيدلة .

◘ المواد الحرة .

◘ أرشيف النشاطات .

◘ أخبار و مواضيع الجامعة و الكلية .

تقسم المدونة الى تجميعات لكل سنة دراسية ، بحيث تشمل مواد مساق الصيدلة في جامعة فيلادلفيا
و تكون طبيعة الاهتمام المواد من خلال وصف للمادة ، و نصائح لدراستها ، تجميع الشروحات
و ما يتعلق بالمادة من مصادر و أسئلة سنوات و أسئلة خارجية عنها .

•••••

دمتم بود و دائما باحترام ^_^

 **\ نسأل الله لنا و لكم التوفيق / ** 

Continue Reading